მიღწევები

არჩეულ იქნა გაეროს გლობალური შეთანხმების საქართველოს ქსელის ახალი გამგეობა;

მოხდა გაეროს გლობალური შეთანხმების საქართველოს ქსელის რეგისტრაცია;

წამყვან ბიზნეს გადაცემებში რუბრიკების მომზადების შედეგად, გაიზარდა მაყურებლის/მედიის ცნობიერება კორპორაციული პასუხისმგებლობისა და არსებული საუკეთესო ბიზნეს პრაქტიკის შესახებ (საზოგადოებრივი მაუწყებელი, BMG, ტვ “ფორმულა”).

2022 წლის განმავლობაში, ფასილიტაცია გაეწია 30-ზე მეტ პარტნიორულ პროექტს ბიზნესისა და არასამთავრობო ორგანიზაციების მონაწილეობით.

არჩეულ იქნა გაეროს გლობალური შეთანხმების საქართველოს ქსელის ახალი გამგეობა და გამგეობის თავმჯდომარე.

გაიმართა კორპორაციული პასუხისმგებლობის ჯილდო 2020, რომელიც წინა წლებთან შედარებით საკონკურსო აპლიკაციების მნიშვნელოვანი ზრდით გამოირჩეოდა. კონკურსში გამოვლინდნენ გამარჯვებულები შვიდ კატეგორიაში.

ჩატარდა ბიზნესისთვის 10 ვებინარი კრიზისის მართვასა და მდგრადი ბიზნეს საქმიანობის წარმართვის მიმართულებით COVID-19 პანდემიის ჭრილში.

დამყარდა სტრატეგიული თანამშრომლობა თხილის მწარმოებელთა ასოციაციასთან და საქართველოს მედიატორთა ასოციაციასთან.

ბიზნესის და ადამიანის უფლებების თემაზე მომზადდა სარეკომენდაციო პაკეტი 2021-2030 წლების ადამიანის უფლებების ეროვნული სტრატეგიისთვის.

გაფორმდა 4 წლიანი თანამშრომლობის ხელშეკრულება საერთაშორისო საფინანსო კორპორაციასთან (IFC).

გაიზარდა პლატფორმის წევრთა რაოდენობა 31-დან 78 წევრამდე.

შემუშავდა ახალი ხუთწლიანი სტრატეგია და შესაბამისი სამოქმედო გეგმა.

დაიწყო თანამშრომლობა გაეროს გარემოსდაცვით პროგრამასთან (UNEP), რაც ხელს შეუწყობს მცირე და საშუალო ზომის საწარმოებს, განავითარონ ეკოინოვაციური მიდგომები და იზრუნონ გარემოზე უარყოფითი გავლენის შესამცირებლად.

დაიწყო თანამშრომლობა USAID-ის ACCESS-ის პროგრამასთან, რომელიც მდგრადი განვითარების დღის წესრიგის გათვალისწინებით, სექტორებს შორის პარტნიორობებს შეუწყობს ხელს.

ჩატარდა შემდეგი კვლევები: “COVID 19-ის გავლენა ბიზნესსექტორზე საქართველოში”; “სამოქალაქო სექტორის წვლილი მდგრადი განვითარების მიზნების განხორციელებაში”; “კერძო სექტორის წვლილი მდგრადი განვითარების მიზნების მიღწევაში”.

UNGCNG-ის ფასილიტაციით განხორციელდა საქართველოს მთავრობის, ბიზნესის, მედიისა და ადგილობრივი ორგანიზაციების წარმომადგენლების სასწავლო ვიზიტი შვედეთსა და დანიაში; ვიზიტის ფარგლებში, დამყარდა საქმიანი ურთიერთობა აღნიშნული ქვეყნების ბიზნესის, საერთაშორისო ორგანიზაციებისა და აღმასრულებელი ხელისუფლების 30-ზე მეტ წარმომადგენელთან.

მომზადდა ბიზნეს კონტრიბუციის ანგარიში მდგრადი განვითარების დღის წესრიგში არსებული პროგრესის შესახებ, რომელიც თან ერთვის მთავრობის მიერ მომზადებულ ნებაყოფლობით ეროვნულ მიმოხილვას (Voluntary National Review) და განთავსებულია გაეროს ვებგვერდზე.

შემუშავდა კონცეფცია კორპორაციული მდგრადობის თემატიკაზე საქართველოში პირველი ჟურნალისთვის „Sustainability Spotlight.”

შემუშავდა კორპორაციული მდგრადობის აკადემიის კონცეფცია და სალექციო კურსისთვის გადამზადდნენ თანამშრომლები.