გამგეობა

სოფოს მენეჯმენტისა და განვითარების კონსალტინგის მიმართულებით კერძო სექტორთან, საერთაშორისო ორგანიზაციებთან და საჯარო უწყებებთან კოლაბორაციის 20 წლიანი გამოცდილება აქვს. სოფო ეისითიში განვითარების კონსალტინგის მიმართულებას ხელმძღვანელობს და უზრუნველყოფს კომპანიის სერვისების გაფართოებასა და ინტერნაციონალიზაციას კავკასიის რეგიონში, აღმოსავლეთ ევროპაში, ბალკანეთის რეგიონსა და აზიაში.

მისი საქმიანობის მნიშვნელოვან ნაწილია სტრატეგიული პარტნიორობების დამყარება, დონორებთან ურთიერთობის ფასილიტაცია, მრავალქვეყნიანი და კომპლექსური ინიციატივების მართვა, საერთაშორისო ორგანიზაციებისა და დონორების პრიორიტეტებთან ორგანიზაციული შესაძლებლობების შესაბამისობის უზრუნველყოფა, ადგილობრივი და რეგიონული მნიშვნელობის პროექტების მართვა.

სოფო აქტიურადაა ჩართული სამოქალაქო აქტივობებში საგანმანათლებლო და შესაძლებლობების გაძლიერების პროგრამების გზით, რომელთა მიზანია სამოქალაქო ორგანიზაციების მედეგობის და ეფექტიანობის ზრდა მდგრადი შედეგების მისაღწევად. კარიერის განმავლობაში სოფო ჩაჩანიძე ჩართულია ისეთი ინიციატივების დაგეგმვასა და განხორციელებაში, რომლებიც ხელს უწყობს მდგრად განვითარებას, კარგი მმართველობის პრაქტიკების დანერგვასა და ეკონომიკურ განვითარებას.

ვალერი ჩეხერია ბიზნეს ლიდერი, სტუმარმასპინძლობის მიმართულების კონსულტანტი და ფილანტროპია. არის Hospitality Projects-ის დამფუძნებელი და გენერალური დირექტორი.

სხვადასხვა დროს ხელმძღვანელობდა Georgian Hospitality Holding – Adjara Group-ს, Rooms Hotels-ს, ასევე, იკავებდა Slow Group-ის ბიზნესის განვითარების დირექტორის თანამდებობას და საქმიანობდა მსოფლიოს ისეთ დიდ ქალაქებში, როგორიცაა ბერლინი და ნიუ-იორკი.

წარსულში, ვალერი ჩეხერია, საქმიანობდა საქართველოს ეკონომიკისა და ეკონომიკური განვითარების მინისტრისა და ფინანსთა მინისტრის აპარატის უფროსის თანამდებობებზე.

მისი პორტფოლიო განახლებული სასტუმროებისა და ტრენდული ენტერპრენერული პროექტების მრავალფეროვანი კოლექციისგან შედგება.

 2018 წელს, მსოფლიო ეკონომიკურ ფორუმზე, დასახელდა ახალგაზრდა გლობალურ ლიდერად.

კახა ხაზარაძე ბიზნეს სექტორში საქმიანობის მრავალწლიან გამოცდილებას ფლობს. 1990 წელს, კახა ხაზარაძე ერთ-ერთი იყო კომპანია „თი ბი სი“ ჯგუფის დამფუძნებლებს შორის. კომპანიამ 30 წლის განმავლობაში მრავალი წარმატებული პროექტი განახორციელა.

1993 წელს კახა ხაზარაძემ დააფუძნა საერთაშორისო კორპორაცია „აი სი არ“ ჯგუფი და პოსტ საბჭოთა სივრცეში პირველად, ქართულ ბაზარზე შემოიყვანა იტალიური ბრენდი „ბატა“, რომელსაც მოგვიანებით, მოჰყვა იტალიური „ჯეოქსის“, დანიური „ეკკო“-ს, მსოფლიო ბრენდ „კრისტიან დიორის“, ფრანგული „ოკაიდის“ და „ჟაკადის“, პორტუგალიური „პარფოისის“ და სხვა ცნობილი ბრენდების შემოსვლაც.

კახა ხაზარაძისა და მისი ჰოლანდიელი ბიზნეს პარტნიორების მონაწილეობით, 2005 წელს  ქუთაისში აშენდა და გაიხსნა პირველი სავაჭრო ცენტრი „ქარვასლა“. 2009 წელს „ქარვასლა“ გაიხსნა თბილისშიც. დღეს აი სი არ–ი წარმოადგენს ჰოლდინგურ კომპანიას, რომელიც ფლობს 90 სავაჭრო და მომსახურების ობიექტს და ასაქმებს 900 თანამშრომელს, სადაც პერსონალის 75% ქალია.

იზა გოცაძეს სტრატეგიული კომუნიკაციების მიმართულებით და  განახლებადი ენერგიის სფეროში მუშაობის მრავალწლიანი გამოცდილება აქვს. როგორც „აჭარისწყალი ჯორჯიას“ მმართველი გუნდის წევრი, იზა გოცაძე  ხელს უწყობს სტრატეგიული ინიციატივების შემუშავებასა და განხორციელებას, რომლებიც მდგრადი განვითარების მიზნებს შეესაბამება, უზრუნველყოფს ეფექტურ კომუნიკაციას როგორც კომპანიის შიგნით და მედიასთან, ასევე, სტეიკჰოლდერებთან და სხვა საკვანძო მოთამაშეებთან ენერგეტიკის სექტორში.

იზა გოცაძე, ასევე, ფლობს საერთაშორისო საფინანსო ინსტიტუტების მიერ მხარდაჭერილ პროექტებში საქმიანობის ფართო გამოცდილებას.

20 წელზე მეტი გამოცდილებით, რომელიც მოიცავს ორგანიზაციებისა და ბიზნესის განვითარების ეფექტური სტარტეგიების შემუშავებასა და განხორციელებას, ნანა ბერძენიშვილი გამოცდილი ლიდერია, რომელიც ფლობს საერთაშორისო დონის უმაღლესი რგოლის მენეჯმეტის წარმატებული ისტორია.

მისი ექსპერტიზა მოიცავს ბიზნეს სექტორში გარემოსდაცვითი, სოციალური და მმართველობითი (ESG) პრინციპების ინტეგრირებას, რაც საბოლოოდ, უზრუნველყოფს ბიზნესის ოპერირების შესაბამისობას გლობალურ ESG სტანდარტებთან. ნანა ბერძენიშვილი სპეციალიზირებულია ESG სტრატეგიების შემუშავებასა და დანერგვაში, რომლებიც შეესაბამება ისეთი ინსტიტუტების სტანდარტებს, როგორიცაა IFC, EBRD, ADB და EIB. ნანა ბერძენიშვილი წარმატებით ახორციელებს საერთაშორისო ფინანსური ინსტიტუტების (IFI) და ინვესტორების სტანდარტების ინტეგრირებას ბიზნესის მართვაში. მისი ჩართულობა ენერგეტიკის სექტორში მოიცავს ისეთ მნიშვნელოვან პროექტებს, როგორიც არის BP-ის მიერ განხორციელებული სამხრეთ კავკასიის გაზსადენის გაფართოების პროექტი, WREP SRP და კავკასიის განახლებადი ენერგიის ჰოლდინგის ჰიდროენერგეტიკული პროექტები. გარდა ამისა, კარიერის სხვადასხვა ეტაპზე იგი ხელმძღვანელობდა კომპლექსურ პროექტებს ისეთ ორგანიზაციებში, როგორიც არის USAID, UNDP, CHF International და World Vision International.

ნათია ჭინჭარაულს ამერიკის ფინანსურ სექტორში საქმიანობის მრავალწლიანი სამუშაო გამოცდილება აქვს. სხვადასხვა დროს მუშაობდა ისეთ წამყვან კომპანიებში, როგორიცაა Capital One Bank, Citibank და Wells Fargo. 

2018 წელს ნათია ჭინჭარაული C-team Management Consulting-ის გუნდს შეუერთდა. პროექტების დირექტორის პოზიციაიზე, იგი ხელმძღვანელობდა პროექტებს საშუალო და დიდი ზომის კომპანიებში სტრატეგიული განვითარების, პროცესების მართვის, სამოტივაციო სისტემების დანერგვისა და ორგანიზაციული განვითარების მიმართულებით.

დღეს ნათია ჭინჭარაული შპს ‘’ეკობრენდს ჯორჯია“ -ს აღმასრულებელი დირექტორის პოზიციას იკავებს. „ეკობრენდს ჯორჯია“ Weleda-ს ექსკლუზიური პარტნიორია საქართველოსა და სომხეთში. ნათია ჭინჭარაულის ხელმძღვანელობის ქვეშ, კომპანიამ საქართველოს ბაზარზე არაერთი ბიო და ნატურალური ბრენდი (Cytoplan, Sonett, Bamboovement).შემოიყვანა.

ნინო ენუქიძე, ბიზნესის ადმინისტრირების დოქტორი, პროფესორი და ბიზნესისა და ტექნოლოგიების უნივერსიტეტის (BTU) რექტორია.

ასევე, არის გაეროს ბავშვთა ფონდთან არსებული ბიზნეს მრჩეველთა საბჭოს წევრი; ევროპის მარკეტინგისა და მენეჯმენტის ასოციაციის აკადემიური კონსორციუმის პრეზიდენტი და ასოციაციის საპატიო საბჭოს ვიცე პრეზიდენტი. კოდინგის სკოლა ქალებისთვის დამფუძნებელი, ხელოვნური ინტელექტის ბიზნესასოციაციის დამფუძნებელი წევრი და AI4Globe ინიციატივის ინიციატორი, რომელიც მიზნად ისახავს ხელოვნური ინტელექტის გლობალურ ლიტერატურას. ნინო ენუქიძეს მიღებული აქვს  Architect of Tomorrow ჯილდო Emerging Europe-ისგან, Strong Women in IT Global Edition-ის მიერ დასახელებულია 200 ლიდერს შორის და 2024 წელს მსოფლიო ეკონომიკური ფორუმის მიერ დასახელდა ახალგაზრდა გლობალურ ლიდერად (Young Global Leader).

სალომე ზურაბიშვილმა 2016 წელს დაარსა და მას შემდეგ ხელმძღვანელობს გაეროს გლობალური შეთანხმების ადგილობრივ ქსელს საქართველოში. ის ასევე გაეროს გლობალური შეთანხმების აღმოსავლეთ ევროპის რეგიონული ქსელის საბჭოს თავმჯდომარე და გლობალური ქსელის საბჭოს წევრია.