თანამშრომლები

ლიზი ლეჟავა გაეროს გლობალური შეთანხმების ქსელს 2023 წელს შემოუერთდა. ლიზი ფლობს ივანე ჯავახიშვილის თბილისის სახელმწიფო უნივერსიტეტის სამართლის ბაკალავრის ხარისხს და ბერლინის თავისუფალი უნივერსიტეტის მაგისტრის ხარისხს (LL.M.) ევროპული და საერთაშორისო ბიზნეს სამართლის მიმართულებით.

ლიზი გაეროს გლობალური შეთანხმების საქართველოს ქსელში იკავებს ბიზნესთან ურთიერთობის და პარტნიორული პროექტების განვითარების მენეჯერის პოზიციას. ასევე, მუშაობს ევროკავშირთან ინტეგრაციის საკითხებზე კორპორაციული მდგრადობის კუთხით და ხელს უწყობს ქართული ბიზნეს სექტორის დაახლოებას ევროპულ სტანდარტებთან და რეგულაციებთან. მანამდე, ლიზი მუშაობდა სხვადასხვა სამოქალაქო ორგანიზაციებში სადაც სხვადასხვა პროექტის ფარგლებში, ხელს უწყობდა პასუხისმგებლიანი ბიზნესის განვითარებას.

სალომე გასვიანი გაეროს გლობალური შეთანხმების საქართველოს ქსელს 2023 წლის ოქტომბერში შეუერთდა, სადაც ბიზნესთან ურთიერთობისა და პარტნიორული პროექტების განვითარების მენეჯერის პოზიციას იკავებს.

სალომეს აქვს თავისუფალი უნივერსიტეტის საერთაშორისო ურთიერთობების ბაკალავრის ხარისხი აშშ-ისა და ევროპის კონცენტრაციით. მისი პროფესიული გამოცდილება ძირითადად ბიზნესის განვითარებასა და კერძო სექტორს შორის პარტნიორობების გაძლიერებას მოიცავს.

სალომე გაეროს გლობალური შეთანხმების ქსელშიც აპირებს, რომ მისი ხედვა და ინტერესი როლის მიმართ აქტიურად გამოიყენოს ორგანიზაციის გაფართოებისა და ბიზნესში კორპორაციული მდგრადობის მიდგომების საფუძვლიანი დანერგვისთვის.

ლაშა მიქაუტაძე ჩვენს გუნდს 2023 წლის იანვრიდან შემოუერთდა ციფრული მედია მენეჯერის პოზიციაზე.

ლაშას ციფრულ მარკეტინგსა და მედია მენეჯმენტში 10-წლიანი გამოცდილება აქვს როგორც საჯარო, ასევე კერძო სექტორში – საერთაშორისო პროექტების, კომპანიების და ფინტექის კუთხით.

2012-2022 წლებში ლაშა იკავებდა სხვადასხვა პოზიციას ადგილობრივ თუ საერთაშორისო ფინანსურ ორგანიზაციებში,  ციფრული მარკეტინგის მენეჯერისა და მარკეტინგული მიმართულების უფროსად. ხელმძღვანელობდა ერთ-ერთი მსხვილი საერთაშორისო მარკეტინგული სააგენტოს საქართველოს ოფისის ციფრულ მიმართულებას. ლაშას, ასევე, გააჩნია სხვადასხვა ღონისძიებების დაგეგმვისა და წამყვანობის მრავალი გამოცდილება.

ლაშა მიქაუტაძეს დამთავრებული აქვს საქართველოს საგარეო საქმეთა სამინისტროს ბაზაზე არსებული საქართველოს დიპლომატიური აკადემია (ბაკალავრი) და თბილისის სახელმწიფო უნივერსიტეტის CES (Center of European Studies) სამაგისტრო პროგრამა. მონაწილეობდა სხვადასხვა საერთაშორისო პროექტებში როგორც მულტიმედია ტრენერი, კოორდინატორი, სპიკერი და ა.შ.