ტრანსფორმაციული მმართველობის ინსტრუმენტი

1

პასუხისმგებლიან კომპანიებს სურთ ოპერირება და მომსახურების გაწევა იმ საზოგადოებაში, სადაც არსებობს ინსტიტუტები, კანონები და სისტემები, რომლებიც იცავენ უშუალოდ მათ, დასაქმებულებსა და მომხმარებლებს. მდგრადი განვითარების მე-16 მიზნის მთავარი პრინციპების მხარდაჭერით, ისინი ხელს უწყობენ უფრო მდგრადი, ინკლუზიური და სტაბილური საზოგადოების ჩამოყალიბებას, რაც თავის მხრივ სარგებელს მოუტანს თავად ბიზნესს.

2

კომპანიებისგან სულ უფრო მეტად მოელიან პასუხისმგებლიან ქცევასა და ეთიკური ლიდერობის დემონსტრირებას. ეს მოიცავს არა მხოლოდ საკანონმდებლო ნორმებს, რომლებიც უშუალოდ ეხება მდგრად განვითარებას და ანგარიშგებას, არამედ ინვესტორების მზარდ მოთხოვნებს. ტრანსფორმაციული მმართველობა დაეხმარება კომპანიებს გამოავლინონ და აღმოფხვრან არსებული ხარვეზები ამ მოლოდინებთან დაკავშირებით.

3

ვინაიდან თანამშრომლები და დაინტერესებული მხარეები მზარდ ყურადღებას იჩენენ კომპანიის ღირებულებების, პრინციპებისა და ქცევის მიმართ, ტრანსფორმაციული მმართველობისადმი ერთგულება და პასუხისმგებლიანი ბიზნესის წარმართვა შეიძლება კომპანიებისთვის გადამწყვეტ აქტივს წარმოადგენდეს ნიჭიერი კადრების მოზიდვისა და ურთიერთობების გაძლიერების მიმართებით.