Tegeta Motors

“თეგეტა მოტორსი” საქართველოში ერთ–ერთი ყველაზე მსხვილი ჰოლდინგია, რომელიც 28 შვილობილ კომპანიას აერთიანებს და არა მარტო საქართველოში, არამედ მთელი ამიერკავკასიის ავტოინდუსტრიაში ბაზრის ლიდერად არის აღიარებული. საქართველოს გარდა, „თეგეტას“ მომსახურების ცენტრები სამხრეთ კავკასიისა და ცენტრალური აზიის ქვეყნებში მდებარეობს, ხოლო საერთაშორისო ვაჭრობას მსოფლიოს 4 კონტინენტზე ახორციელებს. 2012 წლიდან „თეგეტა მოტორსი“ Group auto International-ის ოფიციალური წევრი და მსოფლიოს 300-მდე წამყვანი ბრენდის უმსხვილესი იმპორტიორია საქართველოში. იგი ექსკლუზიურად წარმოადგენს ცნობილ გერმანულ ბრენდ „პორშეს“, შვედურ საავტომობილო გიგანტ „ვოლვოს”, იაპონურ „ტოიოტასა“ და „მაზდას“. მსუბუქი ავტომობილების გარდა, სატვირთო და სპეცტექნიკის მიმართულებით „თეგეტა მოტორსის“ ექსკლუზიური პარტნიორები არიან ისეთი დიდი ბრენდები, როგორებიცაა: „მანი“, „ჯეი-სი-ბი“, „ჰინო“ და სხვა. „თეგეტა ჰოლდინგი“, 2500-მდე დასაქმებული თანამშრომლით, დღეს საქართველოში ერთ-ერთ მსხვილ დამსაქმებლად მიიჩნევა. „თეგეტა ჰოლდინგის“ ერთ-ერთი მთავარი ღირებულება ორგანიზაციის სოციალური პასუხისმგებლობაა. ჰოლდინგი ოთხი მიმართულებით მუშაობს: განათლების ხელშეწყობა, გარემოს დაცვა, ქალთა გაძლიერება და ინოვაციების მხარდაჭერა. “თეგეტა” – ეს არის ბიზნესის 25 წლიანი წარმატების ისტორია, რომელიც 400 000-მდე საცალო, 4000-მდე საბითუმო და 35 000-მდე კორპორაციულ მომხმარებელს ავტოპროდუქტებისა და ავტოტექმომსახურების სრულ ასორტიმენტს სთავაზობს. კომპანიის მომსახურება მოიცავს მსუბუქი და სატვირთო ავტომობილების, ავტობუსების, საგზაო და სამშენებლო სპეც-ტექნიკის რეალიზაციას და გაყიდვების შემდგომ სრულ მომსახურებას.

CEO

,,თეგეტა მოტორსისთვის“ კორპორაციული სოციალური პასუხისმგებლობა არ არის დამატებითი საქმიანობა, ეს კომპანიის განუყოფელი ნაწილია. წლების მანძილზე, ჩვენ განსხვავებულ CSR პროექტებში ვიყავით ჩართულნი და ახლაც საინტერესო ინიციატივებს ვლობირებთ გარემოს დაცვის, განათლების, ინოვაციებისა და გენდერული საკითხების მიმართულებით” – ვახტანგ კაჭარავა

ადამიანის უფლებები

შრომითი უფლებები

გარემოს დაცვა

კორუფციასთან ბრძოლა