მიმდინარე პროექტები

პროექტის სახელწოდება: სამოქალაქო საზოგადოების ჩართულობის პროგრამა (CSEP)
დონორი: აშშ-ის საერთაშორისო განვითარების სააგენტო (USAID)

განმახორციელებელი:  აშშ საერთაშორისო განვითარების სააგენტო/აღმოსავლეთ-დასავლეთის მართვის ინსტიტუტი (EWMI), გაეროს გლობალური შეთანხმების საქართველოს ქსელი,
ბიუჯეტი: 650 000 აშშ დოლარი
ვადები: 1 ნოემბერი, 2021 – 31 სექტემბერი, 2026

პროექტის შესახებ:

პროექტის მიზანია ქართული სამოქალაქო საზოგადოების გაძლიერება ახალი და არსებული სამოქალაქო აქტორების შესაძლებლობების განვითარებით, რათა ისინი გახდნენ მოქალაქეთა ინტერესების ნდობით აღჭურვილი და ეფექტიანი წარმომადგენლები. პროგრამა აძლიერებს და მობილიზებას უწევს საზოგადოებებს, რათა დაიცვან საკუთარი უფლებები და ქმნის ეკოსისტემას, რომელიც სამოქალაქო აქტორებს რესურსების დივერსიფიკაციის საშუალებას აძლევს. CSEP მხარს უჭერს სამოქალაქო მოძრაობებს, აქტივისტებსა და სამოქალაქო საზოგადოების ორგანიზაციებს ქვეყნის მასშტაბით, რათა განავითარონ და  წინ წაწიონ მოქალაქეებზე ორიენტირებული გადაწყვეტილებები მნიშვნელოვან საკითხებსა და პრიორიტეტებზე.

გაეროს გლობალური შეთანხმების საქართველოს ქსელი ხელს უწყობს პარტნიორობას სამოქალაქო საზოგადოებასა და კერძო სექტორს შორის, რათა შეიმუშაონ სტრატეგიული საშუალო და გრძელვადიანი კორპორაციული პასუხისმგებლობის გეგმები. ეს თანამშრომლობები მოიცავს სექტორებს შორის ინიციატივებს, რომლებიც მიმართულია რთული სოციალური გამოწვევების დაძლევაზე და ახალისებს კორპორაციული მდგრადობის მნიშვნელოვან პროექტებს.

პროექტის სახელწოდება: კოლექტიური ძალისხმევა კორუფციასთან ბრძოლის წინააღმდეგ
დონორი: სიმენსის კეთილსინდისიერების ინიციატივა
განმახორციელებელი: გაეროს გლობალური შეთანხმების საქართველოს ქსელი
ბიუჯეტი: 5 000 აშშ დოლარი
ვადები: 2024 – 2025

პროექტის შესახებ:

სიმენსის კეთილსინდისიერების ინიციატივის გრანტი განსაზღვრავს კომპლექსურ გეგმას, რომელიც მოიცავს კორუფციის წინააღმდეგ ბრძოლასა და მმართველობის ძალისხმევის მხარდაჭერას კომპეტენციის განვითარებით, ვორქშოპებით, მენტორობით და ფინანსური დახმარებით. ეს ინიციატივა მიზნად ისახავს კორუფციის წინააღმდეგ კოლექტიური ძალისხმევის გაძლიერებას სტრუქტურირებული ტრენინგების, ვორქშოპების, მენტორობისა და ფართო ფორუმებში მონაწილეობისთვის ფინანსური მხარდაჭერის გზით.

პროექტის სახელწოდება: მდგრადი ბიზნესი პასუხისმგებლიანი ეკონომიკური განვითარებისათვის აღმოსავლეთ პარტნიორობის რეგიონში (SustainableBiz4EaP)
დონორი: შვედეთის ინსტიტუტი
განმახორციელებლები: Östgruppen (შვედეთი), იაროსლავ მუდრის სახელობის ეროვნული სამართლის უნივერსიტეტი (უკრაინა), Swedwatch (შვედეთი), Asociatia Obsteasca Institutul pentru Busines si Drepturile Omului din Republica Moldova (მოლდოვა), ფრიდრიხ-ალექსანდერის უნივერსიტეტი ერლანგენ-ნიურნბერგი, ადამიანის უფლებების ცენტრი ერლანგენ-ნიურნბერგი (გერმანია) და გაეროს გლობალური შეთანხმების საქართველოს ქსელი.
ბიუჯეტი: 78 500 შვედური კრონა
ვადები: 2024 წლის 1 სექტემბერი – 2026 წლის 31 აგვისტო

პროექტის შესახებ:

პროექტის მიზანია აღმოსავლეთ პარტნიორობის რეგიონის მდგრადი აღდგენის ხელშეწყობა ბიზნესთან დაკავშირებული ადამიანის უფლებებისა და გარემოსდაცვითი გამოწვევების დაძლევის გზით.

კომპანიები გვთავაზობენ პროდუქტებსა და მომსახურებას, ქმნიან სამუშაო ადგილებს და შეუძლიათ წვლილი შეიტანონ სიღარიბის შემცირებაში. თუმცა, ბიზნესის მიერ ადამიანებსა და გარემოზე უარყოფითი გავლენის რისკი მნიშვნელოვანი რჩება და კრიზისის, შეიარაღებული კონფლიქტის ან კანონის უზენაესობის არარსებობის პირობებში კიდევ უფრო იზრდება.
პროექტი მოიცავს ბიზნეს აქტორების, პროფესიული კავშირებისა და სამოქალაქო საზოგადოების ორგანიზაციების ცნობიერების ამაღლებას ადამიანის უფლებებისა და გარემოსდაცვითი სათანადო შეფასების თაობაზე; რეკომენდაციების მორგებასა და განახლებას რეგიონის სხვადასხვა მონაწილე მხარისთვის კორპორაციული მდგრადობის ხელშეწყობის მიზნით და “მდგრადი ბიზნეს ჰაბის” შექმნას დაინტერესებულ მხარეებს შორის კომუნიკაციისა და დიალოგის გასამარტივებლად.