საჯარო-კერძო დიალოგის პლატფორმის მდგრადობის მოდელის განხილვა საქართველოს პარლამენტში
![](https://unglobalcompact.ge//app/uploads/2024/01/413929429_751946486967614_330950673504085648_n-1024x683.jpg)
21-22 დეკემბერს, გაეროს გლობალური შეთანხმების საქართველოს ქსელისა და საქართველოს პარლამენტის დარგობრივი ეკონომიკისა და ეკონომიკური პოლიტიკის კომიტეტის ორგანიზებითა და USAID-ის ეკონომიკური მმართველობის პროგრამის მხარდაჭერით, საქართველოს პარლამენტში საჯარო-კერძო დიალოგის პლატფორმის მდგრადობის მოდელის განხილვა გაიმართა.
გასვლით შეხვედრაზე საჯარო-კერძო დიალოგის გზამკვლევი წარადგინეს, რომელიც გაეროს გლობალური შეთანხმების საქართველოს ქსელმა, საქართველოს პარლამენტის დარგობრივი ეკონომიკისა და ეკონომიკური პოლიტიკის კომიტეტთან ერთად, USAID-ის ეკონომიკური მმართველობის პროგრამის მხარდაჭერით შეიმუშავა.
გზამკვლევის მიზანია პარლამენტის წევრებისა და აპარატის თანამშრომლების მხარდაჭერა საჯარო-კერძო დიალოგის წარმატებით წარმართვისა და კერძო სექტორის ეფექტიანი ჩართულობის უზრუნველყოფის მიმართულებებით.
![](https://unglobalcompact.ge//app/uploads/2024/01/413971094_751945466967716_6411981013203632152_n-1024x683.jpg)
ასევე, განხილულ იქნა საჯარო-კერძო დიალოგის პლატფორმის მდგრადობის უზრუნველყოფის მექანიზმები საქართველოს პარლამენტის მხრიდან. პარლამენტის აპარატის თანამშრომლებს კერძო სექტორის პერსპექტივა გააცნეს ინვესტორთა საბჭოს, ბიზნეს ასოციაციის და მცირე და საშუალო მეწარმეობის განვითარების ასოციაციის წარმომადგენლებმა.
![](https://unglobalcompact.ge//app/uploads/2024/01/413801102_751947210300875_2001912240444402711_n-683x1024.jpg)
განხილვაში მონაწილეობას პარლამენტის 14 კომიტეტის და პარლამენტის თავმჯდომარის კაბინეტის წარმომადგენლები იღებდნენ.
საგრანტო აქტივობა საქართველოს პარლამენტში საჯარო-კერძო დიალოგის პლატფორმის მდგრადობის მხარდაჭერა და შესაძლებლობების გაზრდა ხორციელდება გაეროს გლობალური შეთანხმების საქართველოს ქსელის მიერ USAID-ის ეკონომიკური მმართველობის პროგრამის მხარდაჭერით, რომლის მიზანია საქართველოს პარლამენტში საჯარო-კერძო დიალოგის თვითმყოფი პლატფორმის შექმნა, რომელიც ხელს შეუწყობს ეკონომიკური პოლიტიკის საკითხებსა და რეფორმებზე კერძო სექტორთან ეფექტიან და უწყვეტ დიალოგს.
![](https://unglobalcompact.ge//app/uploads/2024/01/414003985_751945136967749_5175896966033135202_n-1024x683.jpg)
![](https://unglobalcompact.ge//app/uploads/2024/01/413894025_751944816967781_5899529289178395221_n-1024x683.jpg)
![](https://unglobalcompact.ge//app/uploads/2024/01/414004488_751944763634453_7150240447199136057_n-1024x683.jpg)
![](https://unglobalcompact.ge//app/uploads/2024/01/413973907_751945323634397_5142191111195618708_n-1024x683.jpg)